நேபாளத்தில் 18 வயது இளம்பெண்ணை பாலியல் பலாத்காரம் செய்ததாக குற்றம்சாட்டப்பட்ட சந்தீப் லமிச்சனேவுக்கு அந்நாட்டு நீதிமன்றம் 8 ஆண்டுகள் சிறை தண்டனை விதித்து தீர்ப்பளித்துள்ளது.
சிறை தண்டனைக்கு எதிராக உயர் நீதிமன்றத்தில் மேல்முறையீடு செய்யப்போவதாக சந்தீப்பின் வழக்கறிஞர் கூறினார்.
23 வயதான சந்தீப் லாமிச்சானே, நேபாளத்தில் கிரிக்கெட்டின் முகமாகவும், இந்தியா, ஆஸ்திரேலியா, பாகிஸ்தான் மற்றும் மேற்கிந்தியத் தீவுகளில் முக்கிய டுவென்டி 20 லீக்குகளில் பங்கேற்ற சேர்ந்த ஒரே வீரராகவும் இருந்துள்ளார். லெக்-ஸ்பின்னரின் வெற்றிகள், இமாலய தேசமான நேபாளத்தின் கிரிக்கட் விளையாட்டின் சுயவிவரத்தை உலகறிய செய்தது.
2022 ஆம் ஆண்டில், காத்மாண்டு ஹோட்டலில் ஒரு இளம் பெண்ணை பாலியல் பலாத்காரம் செய்ததாக அவர் குற்றம் சாட்டப்பட்டு, அவருக்குக் பிடியாணை பிறப்பித்த பின்னர் காவலில் வைக்கப்பட்டார். பின்னர் பிணையில் விடுவிக்கப்பட்ட அவர் சர்வதேச போட்டிகளில் பங்கேற்க மீண்டும் அணிக்கு திரும்பினார்.
பலமுறை தாமதமான விசாரணைக்குப் பிறகு கடந்த மாதம் லாமிச்சானே பாலியல் பலாத்கார குற்றவாளி என நிரூபிக்கப்பட்டார். லாமிச்சானே தனது தண்டனையை எதிர்த்து மேல்முறையீடு செய்வார் என்று தண்டனைக்கு முன் அவரது வழக்கறிஞர் கூறினார்.