தேர்தலுக்கு விண்ணப்பித்த அரச அதிகாரிகளுக்கு நிவாரணம்

உள்ளூராட்சி மன்றத் தேர்தலுக்கு விண்ணப்பித்த அரச அதிகாரிகளுக்கு நிவாரணம் வழங்க அமைச்சரவை அங்கீகாரம் வழங்கியுள்ளது.

2023ஆம் ஆண்டு நடைபெறவுள்ள உள்ளூராட்சி மன்றத் தேர்தல் காலவரையறையின்றி ஒத்திவைக்கப்பட்டுள்ளமையினால் ஏற்பட்டுள்ள பிரச்சினைகளைத் தீர்ப்பதற்கு குழுவொன்றை நியமிப்பது உகந்தது என தேர்தல் ஆணையாளர் நாயகம் பொதுநிர்வாக, உள்நாட்டலுவல்கள், மாகாணங்கள் மற்றும் உள்ளூராட்சி அமைச்சுக்கு அறிவித்துள்ளார்.

இதன்படி அமைச்சின் செயலாளரினால் சமர்ப்பிக்கப்பட்ட குழு அறிக்கையின் பரிந்துரைகளை நடைமுறைப்படுத்துவதற்கு தேர்தல்கள் ஆணைக்குழுவின் அங்கீகாரம் கிடைத்துள்ளது.