மொனராகலை வீதியில் இன்று (26) இடம்பெற்ற வாகன விபத்தில் பொலிஸ் கான்ஸ்டபிள் ஒருவர் உயிரிழந்துள்ளார்.
சியம்பலாண்டுவ-மொனராகலை வீதியின் கிவுலாய பிரதேசத்தில் காரும் லொறியும் நேருக்கு நேர் மோதியதில் இந்த விபத்து இடம்பெற்றுள்ளதாக பொலிஸார் தெரிவித்தனர்.
சூரியவெவ பொலிஸ் நிலையத்தில் கடமையாற்றும் சியம்பலாண்டுவ – புத்தம பிரதேசத்தை சேர்ந்த 29 வயதான பொலிஸ் கான்ஸ்டபிள் ஒருவரே இவ்வாறு உயிரிழந்துள்ளார்.
உயிரிழந்த கான்ஸ்டபிள் திருமண நிகழ்ச்சியில் கலந்து கொள்வதற்காக தனது காரில் 4 பேருடன் சென்று கொண்டிருந்தார்.
சம்பவம் தொடர்பில் லொறியின் சாரதி கைது செய்யப்பட்டுள்ளதாக பொலிஸார் தெரிவித்துள்ளனர்.