போதை மாத்திரைகளுடன் ஒருவர் கைது

அம்பாறை பிரதேசத்தில் சட்டவிரோத போதைமாத்திரைகளுடன் ஒருவரை பொலிஸ் விசேட அதிரடிப்படையினர் கைது செய்துள்ளனர்.

விசேட அதிரடிப்படையின் கல்முனை முகாம் அதிகாரிகளுக்கு கிடைத்த தகவலுக்கு அமைய இந்த சுற்றிவளைப்பு மேற்கொள்ளப்பட்டுள்ளது.

500 போதை மாத்திரைகளை வைத்திருந்த அம்பாறை திஸ்ஸபுர பகுதியைச் சேர்ந்த 28 வயதுடைய நபரே இவ்வாறு கைது செய்யப்பட்டுள்ளார்.

சந்தேகநபர் மேலதிக விசாரணைகளுக்காக காரைத்தீவு பொலிஸ் நிலையத்தில் ஒப்படைக்கப்பட்டுள்ளார்.