பிள்ளையை பணயக்கைதியாக வைத்து தாயை வன்புணர்ந்த இளைஞர்கள் கைது

கம்பஹா – பூகொட – அம்பகஹவத்த பிரதேசத்தில் சிறுமி ஒருவரை பணயக்கைதியாக வைத்து தாய் ஒருவரை பாலியல் துஷ்பிரயோகத்துக்கு உட்படுத்தப்பட்ட சம்பவம் பதிவாகியுள்ளது.

சம்பவம் தொடர்பில் இரண்டு இளைஞர்கள் கைது செய்யப்பட்டுள்ளதாக பொலிஸார் தெரிவித்தனர்.

23 வயதுடைய ஒரு பிள்ளையின் தாய் ஒருவரே இவ்வாறு துஷ்பிரயோகத்திற்கு உட்படுத்தப்பட்டுள்ளார்.

குறித்த பெண் கணவர் வீட்டை விட்டு வெளியேறிய பின்னர் தனது ஒரு வயது 4 மாத பிள்ளைக்கு தாய்ப்பால் கொடுத்துக் கொண்டிருந்த போது மூன்று இளைஞர்கள் வீட்டிற்குள் நுழைந்து அவரை வன்புணர்வு செய்துள்ளனர்.

அவர்கள் மூவரும் குழந்தையை பணயக்கைதியாக வைத்து தாயை மிரட்டி வன்புணர்வு செய்ததாக பொலிஸார் கூறுகின்றனர்.

கைது செய்யப்பட்ட இரு இளைஞர்களும் எதிர்வரும் 8ஆம் திகதி வரை விளக்கமறியலில் வைக்கப்பட்டுள்ளனர்.

இதில் தொடர்புடைய மேலும் ஒரு இளைஞரை தேடி விசாரணை நடத்தி வருவதாக பொலிஸார் தெரிவித்தனர்.