இஸ்ரேல் செல்கிறார் பிரித்தானிய பிரதமர்

பிரித்தானிய பிரதமர் ரிஷி சுனக் இஸ்ரேலுக்கு விஜயம் செய்யவுள்ளதாக வெளிநாட்டு ஊடகங்கள் செய்தி வெளியிட்டுள்ளன.

இஸ்ரேல் பிரதமர் பெஞ்சமின் நெதன்யாகு மற்றும் இஸ்ரேல் ஜனாதிபதி ஐசக் ஹெரோக் ஆகியோரையும் பிரித்தானிய பிரதமர் சந்திக்க உள்ளார்.

காசாவிலுள்ள பாலஸ்தீனியர்களுக்கு மனிதாபிமான உதவிகளை வழங்குவதில் பிரித்தானிய பிரதமர் கவனம் செலுத்தவுள்ளதாக வெளிநாட்டு ஊடகங்கள் தெரிவிக்கின்றன.

காசா பகுதியில் இடம்பெற்று வரும் மோதல்களில் உயிரிழந்து வரும் பாலஸ்தீனியர்களுக்கு ஆழ்ந்த வருத்தம் தெரிவித்துள்ள பிரித்தானிய பிரதமர், மோதலை மேலும் அதிகரிக்க இடமளிக்காமல் தீர்வு குறித்து பேச்சுவார்த்தை நடத்தவுள்ளார்.