பேருவளை – மாகல்கந்த பகுதியில் கதிர்காமத்திலிருந்து கொழும்பு நோக்கி பயணித்த இபோச பேருந்தும், கொழும்பிலிருந்து காலி நோக்கி பயணித்த சொகுசு பேருந்தும் நேற்று (03) நேருக்கு நேர் மோதி விபத்துக்குள்ளாகின.
இந்த விபத்தில் 6 பேர் காயமடைந்து வைத்தியசாலையில் அனுமதிக்கப்பட்டுள்ளனர்.
சொகுசு பேருந்தில் பயணித்த ஆறு பேர் வைத்தியசாலையில் அனுமதிக்கப்பட்டுள்ளதாகவும், காயமடைந்தவர்களில் சாரதியும் அடங்குவதாகவும் பொலிஸார் தெரிவித்தனர்.
மோட்டார் சைக்கிளை முந்திச் செல்ல முற்பட்ட போது எதிரே வந்த சொகுசுப் பேருந்தின் மீது இபோச பேருந்து மோதியதாக விசாரணையில் தெரியவந்துள்ளது.
காயமடைந்தவர்கள் களுத்துறை போதனா வைத்தியசாலைக்கு அனுப்பி வைக்கப்பட்டுள்ளதாக வைத்தியசாலை பேச்சாளர் தெரிவித்தார்.