கெக்கிராவ வெருங்குளம் பகுதியிலுள்ள வயல்வெளியில் துப்பாக்கிச் சூட்டுக்கு இலக்காகி உயிரிழந்த யானையின் சடலம் இன்று (03) கண்டெடுக்கப்பட்டுள்ளது.
பிரதேசவாசிகளின் அறிவித்தலின் பிரகாரம், வனவிலங்கு அதிகாரிகள் சம்பவ இடத்திற்கு வருகைத்தந்துள்ளனர். அத்துடன் , யானையின் தலையில் துப்பாக்கிச் சூட்டுக் காயங்கள் காணப்படுவதாகவும் தெரிவிக்கப்படுகின்றது.
குறித்த யானை 10 தொடக்கம் 15 வயதுக்குட்பட்டது என வனவிலங்கு அதிகாரிகள் குறிப்பிடுகின்றனர். யானையின் பிரேத பரிசோதனை அனுராதபுரம் வனவிலங்கு கால்நடை வைத்தியர்களால் இன்று பிற்பகல் மேற்கொள்ளப்படவுள்ளது.