கம்பளையில் முச்சக்கரவண்டி தீக்கிரை

கம்பளை ஆதார வைத்தியசாலைக்கு அருகில் வைத்து முச்சக்கரவண்டி ஒன்று திடீரென தீ பிடித்து எரிந்துள்ளது.

கம்பளையில் இருந்து நாவலப்பிட்டி நோக்கிப் பயணித்துக்கொண்டிருந்த போதே குறித்த முச்சக்கரவண்டி தீ பற்றி எரிந்துள்ளதாக தெரிவிக்கப்படுகின்றது.

இதன்போது குறித்த பகுதி மக்கள் உடனடியாக தீயினை கட்டுப்பாட்டிற்குள் கொண்டுவந்துள்ளனர்.

தீயினால் முச்சக்கரவண்டி பகுதியளவில் தீக்கரையாகியுள்ளதாக தெரிவிக்கப்படுகின்றது. இதனையடுத்து சம்பவம் தொடர்பில் மேலதிக விசாரணைகளை கம்பளை பொலிஸார் மேற்கொண்டு வருகின்றமை குறிப்பிடத்தக்கது.