இந்தியாவில் ஆரம்பமாகவுள்ள 2023 ஐசிசி ஆடவர் ஒருநாள் உலகக் கிண்ண போட்டியில் பங்குபற்றுவதற்காக இலங்கை அணி, இந்தியா புறப்பட்டுள்ளது.
அதன்படி, அவர்கள் நேற்றிரவு (26) கட்டுநாயக்க, பண்டாரநாயக்க சர்வதேச விமான நிலையமூடமாக நாட்டிலிருந்து புறப்பட்டனர்.
இந்தியா புறப்படுவதற்கு முன்னதாக இலங்கை அணி, ஸ்ரீலங்கா கிரிக்கெட் தலைமையகத்தில் சமய வழிபாட்டு நிகழ்வுகளிலும் கலந்து கொண்டனர்.
உலகக் கிண்ணத்துக்கான தனது 15 பேர் கொண்ட அணியினை ஸ்ரீலங்கா கிரிக்கெட் நேற்று அறிவித்தது.
தசூன் சானக்க தலைமையிலான இந்த அணியில் உப தலைவராக குசல் மெண்டீஸ் பெயரிடப்பட்டுள்ளார்.
எவ்வாறெனினும் உபாதை காரணமாக பாதிக்கப்பட்டுள்ள இலங்கையின் முன்னணி நட்சத்திர சுழற்பந்து வீச்சாளர் வனிந்து ஹசங்க இடம்பிடிக்கவில்லை.