நீரில் மூழ்கி போலந்து பெண் மரணம்

தங்காலை – மரகொல்லிய கடற்பரப்பில் நேற்று மாலை போலந்து பெண் ஒருவர் நீரில் மூழ்கி உயிரிழந்துள்ளார்.

நீரோட்டத்தில் அடித்துச் செல்லப்பட்ட 22 வயதுடைய பெண்ணும் அவரது காதலனும் பிரதேசவாசிகளால் மீட்கப்பட்டுள்ளனர்.

அவர்கள் மீட்கப்பட்டதைத் தொடர்ந்து தங்காலை மருத்துவமனைக்கு கொண்டு செல்லப்பட்டனர்.

இருப்பினும் சிகிச்சை பலனின்றி யுவதி உயிரிழந்துள்ளார்.

சடலம் தற்போது தங்காலை வைத்தியசாலையின் பிரேத அறையில் வைக்கப்பட்டுள்ளது.

தங்காலை பொலிஸார் இது தொடர்பில் மேலதிக விசாரணைகளை மேற்கொண்டு வருகின்றனர்.