உள்ளூர் முட்டைகளுக்கான நுகர்வோரின் தேவை பத்து வீதத்தால் அதிகரித்துள்ளதாக அகில இலங்கை முட்டை உற்பத்தியாளர் சங்கத்தின் தலைவர் சரத் ரத்நாயக்க தெரிவித்தார்.
இறைச்சி, மீன் மற்றும் உலர் பழங்களின் விலைகள் பாரியளவில் அதிகரித்துள்ளதனால் முட்டையின் தேவை அதிகரித்துள்ளதாகவும், அந்த விலையை நுகர்வோர் தாங்க முடியாமல் தவிப்பதாகவும் அவர் தெரிவித்தார்.
ஒரே நாளில் நான்கு முதல் ஐந்து இலட்சம் வரை முட்டை தேவை அதிகரித்துள்ளது என அவர் மேலும் தெரிவித்தார்.
முட்டையின் கட்டுப்பாட்டு விலையை நீக்குமாறு சங்கம் அரசாங்கத்திடம் கோரிக்கை விடுத்துள்ளதாகவும் அவர் கூறினார்.