முச்சக்கர வண்டி விபத்து: ஒரு வயது குழந்தை மரணம்

திருகோணமலை – மட்டக்களப்பு வீதியில் சர்வோதய வீதி சந்திக்கு அருகில் நேற்று (09) பிற்பகல் இடம்பெற்ற விபத்தில் ஒரு வயதுடைய குழந்தையொன்று உயிரிழந்துள்ளது.

மட்டக்களப்பில் இருந்து ஏறாவூர் நோக்கி பயணித்த முச்சக்கரவண்டி கட்டுப்பாட்டை இழந்து வீதியை விட்டு விலகி சுவரில் மோதி விபத்துக்குள்ளானதாக பொலிஸார் தெரிவித்தனர்.

விபத்தில் படுகாயமடைந்த முச்சக்கரவண்டியில் பயணித்த பெண் ஒருவரும் அவரது குழந்தையும் மட்டக்களப்பு வைத்தியசாலையில் அனுமதிக்கப்பட்ட பின்னர் குழந்தை உயிரிழந்துள்ளது.

விபத்து தொடர்பான மேலதிக விசாரணைகளை கொக்குவில் பொலிஸார் மேற்கொண்டு வருகின்றனர்.