மன்னார் – பள்ளமடு பகுதியில் 86 கிலோ கேரள கஞ்சாவுடன் இருவர் நேற்று (02) கைது செய்யப்பட்டுள்ளனர்.
கஞ்சாவின் பெறுமதி சுமார் ஒரு கோடி ரூபா என மதிப்பிடப்பட்டுள்ளதாக மன்னார் பொலிஸார் தெரிவித்தனர்.
மன்னார் பொலிஸாரின் குற்றப் புலனாய்வுப் பிரிவினருக்கு கிடைத்த இரகசியத் தகவலின் பிரகாரம் குறித்த இருவரையும் கைது செய்து சோதனைக்குட்படுத்திய போதே இந்த கஞ்சா கண்டுபிடிக்கப்பட்டுள்ளது.
முல்லைத்தீவு பேசாலை, மன்னார் மற்றும் புதுக்குடியிருப்பு பகுதியைச் சேர்ந்த 35 வயதுடைய இருவரே இவ்வாறு கைது செய்யப்பட்டுள்ளதாக பொலிஸார் தெரிவித்தனர்.
சந்தேகநபர்கள் இருவரும் மன்னார் நீதிமன்றத்தில் ஆஜர்படுத்தப்படவுள்ளனர்