2023 ஐசிசி உலகக் கிண்ண தகுதிச் சுற்று போட்டியில் பங்கெடுக்கும் இலங்கை கிரிக்கெட் அணியுடன் இணைந்து கொள்வதற்காக மேலும் மூன்று வீரர்களை சிம்பாப்வேக்கு அனுப்ப ஸ்ரீலங்கா கிரிக்கெட் அதிகாரிகள் தீர்மானித்துள்ளனர்.
அதன்படி, டில்சான் மதுஷங்க, துனித் வெல்லலாகே மற்றும் சேஹான் ஆரச்சிகே ஆகியோர் சிம்பாப்வே நோக்கி புறப்படவுள்ளதுடன், இவர்கள் எதிர்வரும் 23 ஆம் திகதி புலவாயோவில் இலங்கை அணியுடன் இணைவார்கள்.
குறித்த வீரர்கள் மூவரும் தகுதிச் சுற்று போட்டிக்கான இலங்கை அணியின் மேலதிக வீரர்களாக அனுப்பப்படுவார்கள்.