இளைஞர் ஒருவர் படுகொலை

பாணந்துறை – வேகடை பகுதியில் இளைஞர் ஒருவர் கூரிய ஆயுதத்தால் தாக்கப்பட்டு உயிரிழந்துள்ளார்.

மோதரவில அடுக்குமாடி குடியிருப்பில் வசித்த 23 வயதுடைய நபரே இவ்வாறு கொலை செய்யப்பட்டுள்ளார்.

முச்சக்கரவண்டியில் வந்த சந்தேக நபர் குறித்த நபரை தாக்க முற்பட்ட போது, அவர் ​​தனியார் ஆடைத்தொழிற்சாலை ஒன்றிற்கு ஓடியுள்ளதுடன், அவரை துரத்தி சென்று சந்தேக நபர் தாக்கியுள்ளதாக விசாரணைகளில் தெரியவந்துள்ளது.

சந்தேகநபர் தற்போது அடையாளம் காணப்பட்டுள்ளதுடன், அவரை கைது செய்வதற்கான மேலதிக விசாரணைகளை பாணந்துறை தெற்கு பொலிஸார் மேற்கொண்டு வருகின்றனர்.