இந்தியாவின் டெல்லியில் 16 வயது சிறுமி ஒருவர் அவரது காதலர் என கூறப்படும் நபரால் கூரிய ஆயுதத்தால் தாக்கி படுகொலை செய்யப்பட்ட சம்பவம் அதிர்ச்சியை ஏற்படுத்தியுள்ளது.
இதுதொடர்பாக சிசிடிவி காட்சிகள் தற்போது வெளியாகியுள்ளன.
குறித்த நடந்து சென்றுக்கொண்டிருந்த போது பின்னால் வந்த இளைஞர் திடிரென சிறுமியை கொடூரமாக தாக்கும் காட்சி அதில் பதிவாகியுள்ளது.
தாக்குதலுக்குள்ளான சிறுமி கீழே விழுந்த போது, சந்தேக நபர் அவரை கல்லால் தாக்கியுள்ளார்.
இந்த சம்பவம் தொடர்பாக பொலிஸார் நடத்திய விசாரணையில் உயிரிழந்தது டெல்லியின் ஷாபாத் பகுதியில் உள்ள ஜே.ஜே.காலனியை சேர்ந்த 16 வயது சிறுமி என்பது தெரியவந்தது.
சிறுமிக்கும் சகில் என்பவருக்கும் இடையே பழக்கம் இருந்து வந்துள்ளது.
கருத்துவேறுபாடு காரணமாக சிறுமிக்கும் சகில் என்பவருக்கும் இடையே சனிக்கிழமை வாக்குவாதம் ஏற்பட்டுள்ளது.
இதனையடுத்து சிறுமி சகிலிடம் பேசாமல் இருந்து வந்ததாக கூறப்படுகிறது.
இந்நிலையில் நேற்று சிறுமி தனது நண்பர் ஒருவரின் குழந்தையின் பிறந்தநாள் பார்டிக்கு செல்வதற்காக சாலையில் நடந்து சென்றுள்ளார்.
அப்போது பின் தொடர்ந்து வந்த சந்கேநபர் சிறுமியை கத்தியால் குத்தி கடுமையாக தாக்கியுள்ளார். மேலும் கற்களை கொண்டு தாக்கி படுகொலை செய்துள்ளார்.
பொதுமக்கள் கொடுத்த தகவலின் பேரில் சம்பவ இடத்துக்கு விரைந்த பொலிஸார் சிறுமியின் உடலை கைப்பற்றி பிரேத பரிசோதனைக்காக மருத்துவமனைக்கு அனுப்பி வைத்தனர்.
இந்த சம்பவம் தொடர்பாக வழக்குப்பதிவு செய்த பொலிஸார் விசாரணை மேற்கொண்டு வருகின்றனர்.
தலைமறைவாகியிருந்த சந்தேக நபரை பொலிஸார் தேடி வந்த நிலையில் தற்போது அவர் கைது செய்யப்பட்டுள்ளார்.