கொலன்னாவ மாநகர சபைக்கு உட்பட்ட பல பிரதேசங்களுக்கு இன்று (08) 10 மணித்தியாலங்களுக்கு நீர் விநியோகம் தடைப்படும் என தேசிய நீர் வழங்கல் மற்றும் வடிகாலமைப்புச் சபை தெரிவித்துள்ளது.
அதன்படி இன்று (08) காலை 10.00 மணி முதல் இரவு 8.00 மணி வரை நீர் விநியோகம் தடைப்படவுள்ளது.
கொலன்னாவ மாநகர சபைக்குட்பட்ட பிரதான வீதி, மொரகஸ்முல்ல, இராஜகிரிய, ஒபேசேகரபுர, பண்டாரநாயக்கபுர, எந்திரகோட்டே, நாவல, கொஸ்வத்தை, ராஜகிரிய, நாவல திறந்த பல்கலைக்கழகம் மற்றும் அதனுடன் தொடர்புடைய அனைத்து பக்க வீதிகளிலும் நீர் விநியோகம் தடைப்படும் என நீர் வழங்கல் சபை மேலும் தெரிவித்துள்ளது.
லங்கா மின்சார தனியார் நிறுவனத்தினால் மேற்கொள்ளப்படும் பராமரிப்பு பணிகள் காரணமாக கொலன்னாவ நீரேற்று நிலையத்திற்கான மின்சார விநியோகம் தடைப்படவுள்ளதால் நீர் விநியோகத்தை இடைநிறுத்த வேண்டியுள்ளதாக தெரிவிக்கப்படுகின்றது.