இவ்வருடம் விவசாயிகளுக்கு உரம் கொள்வனவு செய்வதற்காக வவுச்சர் வழங்குவதற்கான யோசனை இன்று (08) அமைச்சரவையில் சமர்ப்பிக்கப்படவுள்ளதாக விவசாய அமைச்சர் மஹிந்த அமரவீர தெரிவித்துள்ளார்.
இதற்கு ஜனாதிபதி ரணில் விக்கிரமசிங்க முன்னதாகவே அனுமதி வழங்கியுள்ளதாகவும் அமைச்சர் குறிப்பிட்டுள்ளார்.
இது தொடர்பான முன்மொழிவுக்கு அண்மையில் நிதி தெரிவுக்குழுவும் ஒப்புதல் அளித்துள்ளது.
இந்தப் பணத்தைப் பயன்படுத்தி விவசாயிகள் அரச நிறுவனங்களிடமிருந்தோ அல்லது தனியார் நிறுவனங்களிடமிருந்தோ எந்தவொரு இடையூறுமின்றி சிறுபோகத்திற்கு தேவையான உரத்தை கொள்வனவு செய்ய முடியும் என அமைச்சர் குறிப்பிட்டுள்ளார்.