நாட்டில் மீண்டும் நாளாந்தம் கொரோனா தொற்றாளர்களின் எண்ணிக்கை அடையாளம் காணப்படுவது குறித்து சுகாதார அமைச்சு கவனம் செலுத்த வேண்டும் என அரச மருத்துவ அதிகாரிகள் சங்கம் கூறியுள்ளது.
அண்மைய நாட்களில் நாளாந்தம் குறிப்பிட்ட எண்ணிக்கையிலான கொவிட்-19 நோயாளர்கள் அடையாளம் காணப்பட்டு வருவதாக சங்கத்தின் ஊடகப் பேச்சாளர் வைத்தியர் சமில் விஜேசிங்க தெரிவித்துள்ளார்.
கடந்த சில நாட்களில் தினமும் சுமார் 05 கொவிட்-19 நோயாளர்கள் அடையாளம் காணப்பட்டுள்ளதாக சுகாதார அமைச்சு அறிவித்துள்ளது.
இது தவிர, கடந்த 03 நாட்களில் கொவிட்-19 தொற்று காரணமாக 02 உயிரிழப்புகளும் ஏற்பட்டுள்ளதாக தெரிவிக்கப்படுகிறது.
தற்போதைய சூழ்நிலையை கருத்திற் கொண்டு, கொவிட்-19 தொற்றினால் இலகுவாக பாதிக்கப்படக்கூடிய நபர்கள் உரிய சுகாதார வழிகாட்டல்களை பின்பற்றுவது மிகவும் அவசியம் என்றும் அவர் கூறினார்.