2023 ஏப்ரல் மாதத்தின் இதுவரையான காலப் பகுதியில் 56 ஆயிரத்துக்கும் அதிகமான சுற்றுலா பயணிகள் நாட்டிற்கு வருகை தந்துள்ளனர்.
இலங்கை சுற்றுலா அபிவிருத்தி அதிகார சபையினால் வெளியிடப்பட்ட தரவுகளின்படி, ஏப்ரல் மாத முதல் இரு வாரங்களில் 56,402 சுற்றுலாப் பயணிகள் வருகை தந்துள்ளனர்.
இவர்களில் அதிகளவானோர் (9,554 பேர்) இந்தியாவிலிருந்து வருகை தந்துள்ளனர்.
ரஷ்யாவிலிருந்து 8,138 பயணிகளும், ஐக்கிய இராச்சியத்திலிருந்து 5,185 பயணிகளும், ஜேர்மனியிலிருந்து 5,056 பயணிகளும், பிரான்சிலிருந்து 3,487 பயணிகளும், அவுஸ்திரேலியாவிலிருந்து 3,232 பயணிகளும், சீனாவில் இருந்து 2,085 பயணிகளும், அமெரிக்காவிலிருந்து 2,002 பயணிகளும் இந்த மாதம் இலங்கைக்கு வருகை தந்துள்ளனர்.
கடந்த மார்ச் மாதத்தில் மொத்தம் 125,495 சுற்றுலாப் பயணிகள் இலங்கைக்கு வருகை தந்ததாகவும் சுற்றுலா அபிவிருத்தி அதிகார சபை சுட்டிக்காட்டியுள்ளது.