யாழ்ப்பாணம் – மன்னார் வீதியின் நாகப்படுவான் பகுதியில் கட்டளையை மீறி பயணித்த கார் ஒன்றின் மீது பொலிஸார் துப்பாக்கிச்சூடு நடத்தியுள்ளனர்.
இதன்போது காரைசெலுத்திய அதன் சாரதி காயமடைந்துள்ளதாக பொலிஸார் குறிப்பிடுகின்றனர்.
அவர் தற்போது யாழ்ப்பாணம் போதனா வைத்தியசாலையில் அனுமதிக்கப்பட்டுள்ளதாக தெரிவிக்கப்படுகிறது.
சம்பவத்தில் மன்னார் – முருங்கன் பகுதியைச் சேர்ந்த 36 வயதான ஒருவரே காயமடைந்துள்ளார்.
குறித்த நபர் தாம் பயணித்த காரிலேயே மன்னார் வைத்தியசாலைக்கு சென்று அங்கிருந்து வைத்தியசாலை தரப்பினரால் யாழ்ப்பாணம் போதனா வைத்தியசாலைக்கு மாற்றப்பட்டுள்ளதாக தெரிவிக்கப்படுகிறது.
பின்னர் அவர் பயணித்த கார் பொலிஸாரால் பொறுப்பேற்கப்பட்டுள்ளதாக எமது செய்தியாளர் தெரிவித்தார்.