யாழ்ப்பாணம், ஓட்டுமடம் – பொம்மைவெளி பகுதியில் ஹெரோயின் போதைப்பொருளுடன் பெண்ணொருவர் கைதுசெய்யப்பட்டுள்ளார்.
சந்தேக நபரிடமிருந்து 5.5 கிராம் ஹெரோயின் போதைப்பொருளும், 70 ஆயிரம் ரூபா பணமும் மீட்கப்பட்டுள்ளதாக பொலிஸார் தெரிவித்துள்ளனர்.
யாழ்ப்பாணம், பொம்மைவெளி 5 ஆம் குறுக்கு வீதியை சேர்ந்த 32 வயதான பெண்ணொருவரே இவ்வாறு கைதுசெய்யப்பட்டவர் ஆவார்.
இவர் போதைப்பொருள் வர்த்தகம் தொடர்பில் நீண்டகாலமாக தேடப்பட்டு வந்த நபர் எனவும் பொலிஸார் தெரிவித்துள்ளனர்.
எவ்வாறெனினும் இது தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.