களுத்துறை தெற்கு பொலிஸ் நிலையத்தில் சிறு முறைப்பாடுகள் பிரிவில் காணி வழக்கு தொடர்பில் விசாரணைகள் இடம்பெற்றுக் கொண்டிருந்த போது முறைப்பாட்டாளர் திடீரென கீழே விழுந்து உயிரிழந்துள்ளதாக களுத்துறை தெற்கு பொலிஸார் தெரிவித்தனர்.
களுத்துறை தெற்கு செனவிரத்ன பிளேஸில் வசிக்கும் கஜநாயக்க முதலிகே நாலக துஷார என்ற நபரே இவ்வாறு உயிரிழந்துள்ளதாக பொலிஸார் தெரிவித்தனர்.
குறித்த காணி தொடர்பில் உயிரிழந்தவர் களுத்துறை தெற்கு பொலிஸில் முறைப்பாடு செய்துள்ளதாகவும், இது தொடர்பில் பொலிஸார் விசாரணைகளை மேற்கொண்டு வரும் நிலையில், திடீரென மயங்கி விழுந்துள்ளதாகவும் பொலிஸார் தெரிவித்தனர்.
அவர் களுத்துறை போதனா வைத்தியசாலையில் அனுமதிக்கப்பட்டிருந்த நிலையிலேயே அவர் உயிரிழந்துள்ளதாக தெரிவிக்கப்படுகின்றது.