இலங்கையின் சக்திவாய்ந்த போதைப்பொருள் கடத்தல்காரரான ஹரக் கட்டா எனப்படும் நந்துன் சிந்தக்கவின் மனைவி சர்வதேச பொலிஸாரின் உதவியுடன் கைது செய்து இலங்கைக்கு அழைத்து வரவுள்ளதாக பொலிஸார் தெரிவிக்கின்றனர்.
ஹரக் கட்டாவிடம் பெறப்பட்ட தகவலின்படி, மேலதிக விசாரணைக்காக அவரது மனைவியை கைது செய்யவுள்ளதாக சிரேஷ்ட பொலிஸ் அதிகாரி ஒருவர் தெரிவித்தார்.
கடந்த மாதம் 15ஆம் திகதி ஹரக் கட்டா மற்றும் மற்றுமொரு போதைப்பொருள் கடத்தல்காரரான பாணந்துறை குடு சலிந்து ஆகியோர் மடகஸ்கரில் இருந்து இலங்கைக்கு அழைத்து வரப்பட்டதுடன், அவர்களின் தடுப்புக் காவலில் வைக்கப்பட்டுள்ள உத்தரவின் அடிப்படையில் தற்போது குற்றப் புலனாய்வுப் பிரிவினரால் விசாரணைக்கு உட்படுத்தப்பட்டுள்ளனர்.