கலென்பிதுனுவௌ – படிகாரமடுவ பிரதேதசத்துக்குள் நுழைந்த காட்டு யானைகளை விரட்ட முயன்ற வனவிலங்கு பாதுகாப்பு அதிகாரி ஒருவர் காட்டு யானை தாக்கி உயிரிழந்துள்ளார்.
நேற்று (28) மாலை வனவிலங்கு பாதுகாப்பு அலுவலகத்துக்கு கிடைத்த தகவலுக்கமைய, குறித்த காட்டு யானைகளை விரட்டும் நடவடிக்கை முன்னெடுக்கப்பட்டது.
மேற்படி நபரின் வழிகாட்டலுக்கமைய, குறித்த நடவடிக்கை முன்னெடுக்கப்பட்டதுடன். அதன்போது காட்டு யானையொன்றின் தாக்குதலுக்கு அவர் இலக்காகியுள்ளார்.
படுகாயமடைந்த வனவிலங்கு பாதுகாப்பு அதிகாரி வைத்தியசாலையில் அனுமதிக்கப்பட்டதன் பின்னர் உயிரிழந்ததாக பொலிஸார் தெரிவிக்கின்றனர்.
20 ஆண்டுகள் வனவிலங்கு பாதுகாப்பு அதிகாரியாக பணியாற்றிய அவர் தனது 42 ஆவது வயதில் உயிரிழந்தார்.