கோழிப்பண்ணை தொழில்துறைக்கு வரிச்சலுகை வழங்கினால் முட்டை ஒன்றை 42 ரூபாவுக்கு வழங்க முடியும் என அகில இலங்கை முட்டை உற்பத்தியாளர்கள் சங்கம் தெரிவித்துள்ளது.
முட்டைக்கு விதிக்கப்பட்டுள்ள வர்த்தமானி அறிவித்தலை நீக்கி இத்தொழில் தொடர்பில் வரிச்சலுகை வழங்கினால் புத்தாண்டு முதல் முட்டை தட்டுப்பாடு இன்றி வழங்கப்பட வாய்ப்புள்ளதாக தெரிவிக்கப்படுகிறது.
முட்டை தொடர்பில் வெளியிடப்பட்ட வர்த்தமானி அறிவித்தல் காரணமாக பலர் தொழிலில் இருந்து விலகியுள்ளதாகவும் சங்கம் சுட்டிக்காட்டியுள்ளது.
இதனிடையே வெளிநாடுகளில் இருந்து முட்டை இறக்குமதி செய்வதால் இத்தொழிலுக்கு ஆபத்து ஏற்பட்டுள்ளதாக சங்கம் குறிப்பிட்டுள்ளது.