பாதுகாப்பற்ற கிணற்றில் தவறி வீழ்ந்து சிறுவன் பலி

வவுனியா, செட்டிகுளம் நேரியகுளம் பகுதியில் வீடொன்றிற்கு அருகில் உள்ள பாதுகாப்பற்ற கிணற்றில் தவறி வீழ்ந்து 12 வயது சிறுவன் உயிரிழந்துள்ளார்.

இந்த விபத்து நேற்று (14) இடம்பெற்றுள்ளது.

உயிரிழந்த சிறுவன் நேரியகுளம் துடுவாய் பகுதியைச் சேர்ந்தவர் என அடையாளம் காணப்பட்டுள்ளது.

சிறுவன் காணாமல் போனதை அறிந்ததும், சிறுவனின் தந்தை, பிரதேசவாசிகள் சேர்ந்து தேடியபோது சிறுவன் கிணற்றுக்குள் கிடப்பதை கண்டுள்ளனர். இதனையடுத்து அவரை மீட்டு செட்டிகுளம் வைத்தியசாலையில் அனுமதித்த போதிலும் சிறுவன் உயிரிழந்துள்ளார்.