9 ஆவது நாடாளுமன்றத்தின் நான்காவது கூட்டத்தொடர் ஜனாதிபதி ரணில் விக்ரமசிங்க தலைமையில் இன்று ஆரம்பமாகவுள்ளது.
ஜனாதிபதி ரணில் விக்ரமசிங்கவின் ஆலோசனைக்கமைய, புதிய கூட்டத்தொடரை எளிய முறையில் நடத்துவதற்கான ஏற்பாடுகள் மேற்கொள்ளப்பட்டுள்ளதாக நாடாளுமன்ற தொடர்பாடல் திணைக்களம் தெரிவித்துள்ளது.
இதற்கமைய, முப்படையினரின் மரியாதை, மரியாதை வேட்டுக்கள் மற்றும் வாகன பேரணி என்பன இடம்பெறாது என அந்த திணைக்களம் குறிப்பிட்டுள்ளது.
அரசியலமைப்பின் 33ஆவது உறுப்புரைக்கமைய, ஜனாதிபதி ரணில் விக்ரமசிங்க இன்று முற்பகல் 10 மணிக்கு நாடாளுமன்றில் அரசாங்கத்தின் கொள்கை விளக்க உரையை நிகழ்த்தவுள்ளார்.