மர்மமான முறையில் உயிரிழந்த கோடீஸ்வர தொழிலதிபரின் காணாமல் போன கார் நீர்கொழும்பில் கண்டுபிடிக்கப்பட்டுள்ளது.
நீர்கொழும்பில் உள்ள கெரேஜ் ஒன்றில் மறைத்து வைக்கப்பட்டிருந்த நிலையில், குறித்த வாகனம் கண்டுபிடிக்கப்பட்டுள்ளதாக சிரேஷ்ட பொலிஸ் அதிகாரி ஒருவர் தெரிவித்தார்.
காரைக் கொண்டு வந்ததாகக் கூறப்படும் தம்பதியினர் ஏற்கனவே வெளிநாடு சென்றுள்ளதாக பொலிஸார் தெரிவிக்கின்றனர்.
கடந்த 30ஆம் திகதி இரவு இக்கொலை இடம்பெற்றிருக்கலாம் என சந்தேகிக்கப்படும் நிலையில், கடந்த 31ஆம் திகதி சந்தேகநபர்கள் வெளிநாட்டுக்கு சென்றுள்ளமை தெரியவந்துள்ளது.
வர்த்தகரின் படுகொலை தொடர்பான மேலதிக விசாரணைகள் கொழும்பு குற்றத்தடுப்பு பிரிவினரிடம் ஒப்படைக்கப்பட்டுள்ளது.
படுகொலை செய்யப்பட்ட வர்த்தகரின் பிரேத பரிசோதனை இன்று (03) இடம்பெறவுள்ளதாக தெரிவிக்கப்படுகின்றது.