முன்னாள் ஜனாதிபதி கோட்டாபய ராஜபக்ஷவிற்கு அரசாங்கத்தினால் 19 வாகனங்களும் உணவு பானங்கள் உள்ளிட்ட செலவுகளுக்காக மாதாந்தம் 950,000 ரூபாவும் வழங்கப்பட்டுள்ளதாக தெரிவிக்கப்படுகிறது.
ஜனாதிபதி செயலகத்தில் இருந்து ஊடகவியலாளர் அசங்க அத்தபத்து விடுத்த எழுத்துமூல கோரிக்கைக்கு அமைய இந்த தகவல் வழங்கப்பட்டுள்ளதாக இன்று (17) நடைபெற்ற அமைச்சரவை செய்தியாளர் சந்திப்பில் அமைச்சர் பந்துல குணவர்தன தெரிவித்தார்.
அரச உத்தியோகத்தர்களின் சம்பளத்தைக் கூட வழங்க முடியாத சூழ்நிலையில் இவ்வாறான செலவை மேற்கொள்வது தொடர்பில் அவர் கேட்ட கேள்விக்கு பதிலளித்த அமைச்சர், நாட்டின் ஒட்டுமொத்த செலவீனங்களைப் பார்க்கும் போது இது ஒரு சிறிய செலவு மட்டுமே என்றார்.
மேலும் கருத்து தெரிவித்த அமைச்சர், 1977ம் ஆண்டு முதல் அரசாங்கத்தின் செலவு வருமானத்தை விட அதிகமாக உள்ளது. அன்றாட செலவுகளுக்கு போதிய வருமானம் இல்லாத நாடாக நாம் வந்துள்ளோம்.
இந்த சிறிய செலவுகளைப் பார்க்கும் முன், அதாவது அரசு ஊழியர் சம்பளம், ஓய்வூதியம் மற்றும் கடன் வட்டி செலுத்துதல் போன்ற பெரிய அளவிலான செலவுகளைப் பார்க்க வேண்டும்.
தற்போது, நாட்டின் அமைச்சர்கள் கூட அதிக அளவில் நன்கொடை அளித்துள்ளனர். முந்தைய அமைச்சுக்கள் இன்று சேர்க்கப்பட்டுள்ளன.
நான் இப்போது நான்கு அமைச்சுக்களின் பாரத்தை தனியாளாக சுமந்து வருகிறேன். அவற்றில் எஞ்சியிருப்பதைப் பாருங்கள். எவ்வளவு தொகை குறைக்கப்பட்டுள்ளது என்பதை நிதியமைச்சின் செயலாளருக்கு அறிவிக்க வேண்டும் என அமைச்சர் குறிப்பிட்ட போதிலும், கோட்டாபய ராஜபக்ஷவுக்கு வாகன ஒதுக்கீடு தொடர்பில் அவர் எதனையும் கூறாதமை விசேட அம்சமாகும்.