புத்தளம் – கற்பிட்டி – சின்னக்குடியிருப்புப் பகுதியில் 2 கிலோகிராமுக்கு அதிகமான ஐஸ் போதைப்பொருளுடன் இருவர் நேற்று(9) கைது செய்யப்பட்டுள்ளனர்.
2 கோடி ரூபாவுக்கும் அதிக பெறுமதியான ஐஸ் போதைப்பொருள் சந்தேகநபர்களிடம் இருந்து கைப்பற்றப்பட்டுள்ளது.
பொலிஸ் விசேட புலனாய்வுப் பிரிவினருக்கு கிடைத்த இரகசிய தகவலுக்கமைய, கற்பிட்டி பொலிஸார் முச்சக்கர வண்டி ஒன்றை சோதனைக்குட்படுத்திய போதே குறித்த போதைப்பொருள் கண்டுபிடிக்கப்பட்டுள்ளது.
இதன்போது கற்பிட்டி – துரையடி மற்றும் மட்டக்குளி ஆகிய பகுதிகளைச் சேர்ந்த 39 மற்றும் 49 வயதான இருவர் கைது செய்யப்பட்டுள்னர்.
இவர்கள் போதைப்பொருளை கொழும்பிற்கு கொண்டுவர திட்டமிட்டிருந்தமை விசாரணைகளில் தெரியவந்துள்ளதாக பொலிஸார் தெரிவித்தனர்.
இது தொடர்பான மேலதிக விசாரணைகளை கற்பிட்டி பொலிஸார் முன்னெடுத்து வருகின்றனர்.