ஆதிகோவிலடி கடற்கரையில் தஞ்சமடைந்த தமிழக மீனவர்கள் 4 பேரை மீள தமிழகத்திற்கு அனுப்ப நடவடிக்கை எடுக்கப்பட்டுள்ளது.
மீன் பிடித்துக் கொண்டிருந்த குறித்த மீனவர்களின் வலைகளை இலங்கை மீனவர்கள் அறுத்து எடுத்து சென்றுள்ளனர்.
இந்நிலையில் அதனை மீட்பதற்காக அவர்கள் இலங்கை மீனவர்களை பின்தொடர்ந்து வந்த போது படகு பழுதடைந்த நிலையில் வல்வெட்டித்துறை – ஆதிகோவிலடி கடற்கரையில் தஞ்சமடைந்தனர்.
தஞ்சமடைந்த மீனவர்களை மீட்ட ஆதிகோவிலடி மக்கள் அவர்களுக்கு உணவு வழங்கியதுடன், அவர்களை வல்வெட்டித்துறை பொலிஸாரிடம் ஒப்படைத்தனா்.
இந்நிலையில் தஞ்சமடைந்த மீனவர்களை உடனடியாக தமிழகத்திற்கு திருப்பி அனுப்ப பொலிஸாருடன் இணைந்து யாழ். இந்திய துணை தூதரகமும் நடவடிக்கைகளை எடுத்துள்ளது.