மஹியங்கனை பிராந்திய வைத்தியசாலையை அபிவிருத்தி செய்து தரமுயர்த்துவதற்கு தேவையான நடவடிக்கைகளை மேற்கொள்ளுமாறு ஜனாதிபதி ரணில் விக்கிரமசிங்க சுகாதார அதிகாரிகளுக்கு பணிப்புரை விடுத்துள்ளார்.
மஹியங்கனை பிராந்திய வைத்தியசாலையை மாவட்ட வைத்தியசாலையாகவும் பண்டாரவளை மாவட்ட வைத்தியசாலையை ஆதார வைத்தியசாலையாகவும் தரமுயர்த்துவதற்கு தேவையான நடவடிக்கைகளை மேற்கொள்ளுமாறு ஜனாதிபதி சுகாதார அமைச்சின் அதிகாரிகளுக்கு இன்று பதுளையில் இடம்பெற்ற சந்திப்பின் போது பணிப்புரை விடுத்ததாக ஜனாதிபதி ஊடகப் பிரிவு தெரிவித்துள்ளது.
பதுளை மாவட்டத்தில் உள்ள கிரந்துருகோட்டை வைத்தியசாலை மற்றும் தியத்தலாவ ஆதார வைத்தியசாலையை பிரதேசவாசிகளின் தேவையை கருத்திற்க் கொண்டு அபிவிருத்தி செய்யுமாறும் ஜனாதிபதி அதிகாரிகளுக்கு பணிப்புரை விடுத்துள்ளார்.