பல முக்கிய ரயில் நிலையங்கள் மற்றும் உப ரயில் நிலையங்களில் பயணச்சீட்டுகளுக்கு கடும் தட்டுப்பாடு நிலவுவதாக ரயில் நிலைய அதிபர்கள் சங்கத்தின் பொதுச் செயலாளர் கசுன் சாமர ஜயசேகர தெரிவித்தார்.
ஹலவத்தை மற்றும் லுனுவில நிலையங்களில் 20 ரூபா பயணச்சீட்டுகள் இல்லாததால், 40 ரூபா பயணச்சீட்டுகளை இரண்டாக வெட்டி வழங்கப்படுவதாக அவர் குறிப்பிட்டார்.
கொழும்பு கோட்டை, மருதானை, கம்பஹா, மொரட்டுவை, பாணந்துறை, வேயங்கொடை, கம்பஹா ஆகிய இடங்களில் அதிக எண்ணிக்கையில் பயணச்சீட்டுகள் விற்பனை செய்யப்படுவதால் அந்த ரயில் நிலைய அதிபர்கள் பாரிய சிக்கல்களை எதிர்நோக்குகின்றனர்.