நாட்டில் கொள்வனவு செய்யப்பட்ட 2 பில்லியன் ரூபா பெறுமதியான சுவாச நோய்களுக்கான மருந்துகள் கொவிட் காரணமாக பாவனையற்று காலாவதியாகியுள்ளதாக சுகாதார அமைச்சர் கெஹெலிய ரம்புக்வெல்ல தெரிவித்துள்ளார்.
கொவிட்-19 முன்னெச்சரிக்கை நடவடிக்கைகளால் மருந்துகள் தேவையற்றதாகி விட்டதால், குழந்தைகளின் சுவாச நோய்களுக்காக வாங்கப்பட்ட 2 பில்லியன் ரூபா பெறுமதியான சுவாச மருந்துகள் காலாவதியாகியுள்ளன.
கொவிட் காரணமாக கை கழுவுதல் மற்றும் முகக்கவசங்கள் பாவிக்கும் பழக்கம் ஏற்பட்டது. அதன் காரணமாக, அனைத்து சுவாசப்நோய்களும் குறைந்துவிட்டதாக சுகாதார அமைச்சர் மேலும் தெரிவித்துள்ளார்.