இந்தியாவை தோற்கடித்த இலங்கை

ஆசிய கிண்ண கிரிக்கெட் போட்டியின் இன்றைய சுப்பர் 4 ஆட்டத்தில் இலங்கை அணி, இந்திய அணியை 6 விக்கட்டுக்களால் தோல்வியடைய செய்துள்ளது.

போட்டியில் 173 என்ற இந்தியாவின் ஓட்ட இலக்கை, இலங்கை அணி, 19.5 ஓவர்களில் அடைந்து போட்டியில் வெற்றிபெற்றது.

ஆட்டத்தில் முதலில் துடுப்பாடிய இந்திய அணி, 20 ஓவர்களில் 8 விக்கட் இழப்புக்கு 173 ஓட்டங்களை பெற்றது.

இதில் ரோஹிட் சர்மா 72 ஓட்டங்களையும் பெற்றுக்கொடுத்தார்.

பந்துவீச்சில் இலங்கை அணியின் தில்சான் மதுசங்க 3 விக்கட்டுக்களையும் தசுன் சானக்க 2 விக்கட்டுக்களை கைப்பற்றினார்.

இலங்கை அணி 19.5 ஓவர்களில் 174 ஓட்டங்களை  பெற்றது.

துடுப்பாட்டத்தில் குசல் மெண்டிஸ் 57 ஓட்டங்களை பெற்றார்.