ரஷ்யாவிடமிருந்து குறைந்த விலைக்கு எரிபொருள்?

ரஷ்யாவின் ஆளும் கட்சியுடன் பேச்சுவார்த்தை நடத்தி நாட்டிற்கு தேவையான எரிபொருளை குறைந்த விலையில் பெற முடியும் என ஸ்ரீலங்கா கொமியுனிஸ்ட் கட்சியின் தலைவர் டிவி குணசேகர தெரிவித்துள்ளார்.

பொரளையில் உள்ள கட்சி அலுவலகத்தில் நேற்று (05) நடைபெற்ற ஊடகவியலாளர் சந்திப்பிலேயே அவர் இதனைத் தெரிவித்தார்.

ஜனாதிபதி கோட்டாபய ராஜபக்ஷவுக்கு தனது பங்களிப்பை சரியாக செய்ய முடியாவிட்டால், தானும் தனது கட்சியும் அதை செய்ய தயாராக இருப்பதாக அவர் குறிப்பிட்டார்.

திறமையின்மையால் அரசாங்கம் இந்த நடவடிக்கையை முன்னெடுக்காமல் இருப்பதாகவும், அமெரிக்காவிற்கு பயந்து இவ்வாறு செயற்படுவதாகவும் அவர் கூறினார்.

தற்போது இலங்கை அமெரிக்கத் தூதுவர் ஜூலி சுங்கின் கட்டுப்பாட்டில் இருப்பதாகவும் ரஷ்யாவிடம் இருந்து எரிபொருளைப் பெறுவதற்கான அனுமதியை அவர் இன்னும் வழங்கவில்லை எனவும் அவர் மேலும் தெரிவித்தார்.