லிட்ரோ நிறுவனம் தற்போது தொடர்ச்சியாக எரிவாயு விநியோகத்தை மேற்கொண்டு வருவதாக அதன் தலைவர் தெஷார ஜயசிங்க தெரிவித்துள்ளார்.
எரிவாயு தாங்கிய மேலும் 2 கப்பல்கள் நாளை மற்றும் எதிர்வரும் திங்கட்கிழமை நாட்டை வந்தடைய உள்ளதாக அவர் குறிப்பிட்டார்.
அதற்கமைய எதிர்வரும் 10 நாட்களுக்குள் ஒரு மில்லியன் எரிவாயு கொள்கலன்களை சந்தைக்கு விநியோகிக்க திட்டமிட்டுள்ளதாக அவர் தெரிவித்தார்.
அதன்படி, சந்தையில் தற்போது நிலவும் எரிவாயு தட்டுப்பாடு நீங்கி, எரிவாயு கொள்வனவுக்கான நீண்ட வரிசை இல்லாமல் செய்யப்படும் என அவர் நம்பிக்கை வெளியிட்டார்.