‘தலைவர் 169’ படத்தின் இயக்குநரை உறுதி செய்தார் ரஜினி

‘தலைவர் 169’ படத்தின் இயக்குநரை சூப்பர் ஸ்டார் ரஜினிகாந்த் தனது டுவிட்டர் பக்கத்தில் உறுதி செய்துள்ளார்.

அவர் நடிக்கவிருக்கும் ‘தலைவர் 169’ திரைப்படத்தை நெல்சன் இயக்க இருப்பதாகவும், அனிருத் இசையமைக்க இருப்பதாகவும், சன் பிக்சர்ஸ் நிறுவனம் தயாரிக்க இருப்பதாகவும் கடந்த சில நாட்களுக்கு முன்னர் அதிகாரப்பூர்வமாக அறிவிக்கப்பட்டது.

நெல்சன் இயக்கிய பீஸ்ட் திரைப்படத்துக்கு எதிர்மறையான விமர்சனங்கள் வந்ததால்,‘தலைவர் 169’ படத்தை அட்லி அல்லது தேசிங்கு பெரியசாமி இயக்கலாம் என கூறப்பட்டது.

இந்த நிலையில் சூப்பர் ஸ்டார் ரஜினிகாந்த் தனது டுவிட்டர் பக்கத்தில் ஏற்கனவே வெளியான ‘தலைவர் 169’ படத்தின் ஸ்டில்லை பதிவு செய்துள்ளார்.

இதன் மூலம் ‘தலைவர் 169’ படத்தை நெல்சன் இயக்கவுள்ளதை அவர் மறைமுகமாக உறுதிப்படுத்தியுள்ளார்.