தனுஷ் இயக்கி, அவரே நடிக்கும் 52 ஆவது படத்துக்கு ‘இட்லி கடை’ என பெயரிடப்பட்டுள்ளது.
இது தொடர்பான அறிவிப்பு போஸ்டர் நேற்று வெளியாகி ரசிகர்களின் கவனத்தை ஈர்த்துள்ளது.
‘பவர் பாண்டி’ படத்தின் மூலம் இயக்குநராக அறிமுகமான தனுஷ், நான்கு படங்களை இயக்கியுள்ளார்.
இந்நிலையில், இட்லி கடை படத்தை டான் பிசர்ஸ் நிறுவனமும், தனுஷின் வுண்டர் பார் நிறுவனமும் இணைந்து தயாரிக்கிறது.
இப்படத்துக்கு ஜி.வி.பிரகாஷ் இசையமைக்கிறார். இந்தப் படத்தின் படப்பிடிப்பு தேனியில் நடைபெற்று வருகிறது.
படத்தில் தனுஷுடன் இணைந்து, சத்யராஜ், ராஜ்கிரண், அருண் விஜய், நித்யா மேனன் மற்றும் ஷாலினி பாண்டே ஆகியோர் நடிக்கின்றனர்.