ஒஸ்கார் விருது பெற்ற பாரசைட் படத்தில் நடித்ததன் மூலம் பிரபலமான தென் கொரிய நடிகர் லீ சன்-கியூன் உயிரிழந்துள்ளார்.
48 வயதான நடிகர் இன்று காலை சியோலில் உள்ள பிரதான பூங்கா ஒன்றில் காரில் உயிரிழந்த நிலையில் காணப்பட்டதாக வெளிநாட்டு ஊடகங்கள் செய்தி வெளியிட்டுள்ளன.
லீ சன்-கியூன் தற்கொலை செய்து கொண்டாரா என்பது இன்னும் தெளிவாகத் தெரியவில்லை.
ஆனால் அவர் ஒரு குறிப்பை எழுதிவிட்டு வீட்டை விட்டு வெளியேறியதாகத் தங்களுக்குத் தகவல் கிடைத்ததாக தென் கொரிய பொலிஸார் தெரிவித்தனர்.
பாரசைட்டில் லீ சன்-கியூனின் நடிப்பு மிகவும் பாராட்டப்பட்டது மற்றும் சிறந்த படம் உட்பட நான்கு ணஸ்கார் விருதுகளைப் பெற்றது.
அவர் அண்மையில் சட்டவிரோத போதைப்பொருள் பயன்பாடு தொடர்பான விசாரணைக்கு உட்படுத்தப்பட்டிருந்ததாக கூறப்படுகிறது.