தமிழ் திரையுலகின் முன்னணி நடிகரான விஜய் தற்போது லோகேஷ் கனகராஜ் இயக்கத்தில் ‘லியோ’ திரைப்படத்தில் நடித்து வருகிறார்.
அனிருத் இசையமைக்கும் இப்படத்தில் அர்ஜுன், சஞ்சய் தத், திரிஷா, மன்சூர் அலிகான், மிஷ்கின், கௌதம் வாசுதேவ் மேனன் என பலர் முக்கிய கதாபாத்திரங்களில் நடித்து வருகின்றனர்.
இந்தநிலையில், ‘லியோ’ திரைப்படத்தில் தனக்கான காட்சிகளை விஜய் நடித்து முடித்துள்ளார் என அறிவிக்கப்பட்டுள்ளது.
படத்தின் இயக்குனர் லோகேஷ் கனகராஜ் தனது சமூக வலைத்தள பக்கத்தில் இதனை பகிர்ந்துள்ளார்.
அந்த பதிவில், “இரண்டாவது பயணத்தை மீண்டும் சிறப்பானதாக மாற்றியதற்கு நன்றி அண்ணா” என லோகேஷ் கனகராஜ் குறிப்பிட்டுள்ளார்.
இதேவேளை, ‘தளபதி 68’ படத்தில் நடிகர் ஜெய் நடிக்க உள்ளதாக தகவல்கள் வெளியாகியுள்ளன.