இயக்குநர் பாலா தனது மனைவி முத்துமலரிடமிருந்து விவாகரத்து பெற்றுள்ளார்.
தமிழ் சினிமாவின் முன்னணி இயக்குநர்களில் ஒருவரான இவர், ‘சேது’, ‘நந்தா’, ‘பிதாமகன்’ தொடங்கி பல முக்கியமான படங்களை இயக்கியுள்ளார்.
இயக்குநராக மட்டுமல்லாமல், தயாரிப்பாளராகவும் பல படங்களில் பணியாற்றியுள்ளார்.
தற்போது மீண்டும் பாலா – சூர்யா கூட்டணியில் ஒரு படம் தயாராகி வருகிறது.
‘நந்தா’, ‘பிதாமகன்’ படங்களுக்குப் பிறகு பாலா – சூர்யா கூட்டணி இணைந்திருப்பதால் படத்துக்கு ஏற்கெனவே பல எதிர்பார்ப்புகள் கிளம்பியிருக்கின்றன.
இந்நிலையில், யாரும் எதிர்பாராத வகையில் இயக்குநர் பாலாவும், அவர் மனைவி முத்துமலரும் சென்னை குடும்பநல நீதிமன்றத்தில் விவாகரத்து பெற்றிருக்கின்றனர்.
கடந்த 4 வருடங்களாக மனதளவில் பிரிந்திருந்த நிலையில், தற்போது இருவரும் சட்டபூர்வமாக சுமூகமான முறையில் பிரிந்திருப்பதாக தெரியவந்துள்ளது.
இயக்குநர் பாலாவுக்கும் முத்துமலருக்கும் கடந்த 2004 ஆம் ஆண்டு ஜுன் 5 ஆம் திகதியன்று மதுரையில் திருமணம் நடைபெற்றது. 18 வருடங்கள் தம்பதிகளாக வாழ்ந்த இவர்களுக்கு ஒரு பெண் பிள்ளை உள்ளது.